ඔයා හිතනවා ඇති මට ඔයාව අමතක වෙලා ඇති කියලා.ඒකට හේතුව ඔයාගේ ආදරයේවත් මගේ ආදරයේ අඩුවක් නෙවෙ යි.මම පහුගිය ටිකේ ගෙවපු අතිශය කාර්්‍යබහුල ජීවිතය යි.මගෙන් කෙටි පණිවුඩයක් නැතිවෙනකොට ඔයාට ගොඩාක් දුක හිතෙනවා කියල මං දන්නවා.ඒත් මං පුළුවන් වෙලාවකට එවන කෙටි පණිවුඩයකට මට උහුලන්න බැරි ප්‍රතිචාර එවන්න එපා.ඒක මට දරාගන්න ගොඩාක් අමාරු යි. ඔයා වචනෙන් කියන්නේ නැති දහසකුත් දේ ඔයාගේ හැඟීම් වලින් ප්‍රකාශ වෙනවා.මම ඔයත් එක්ක ගෙවපු ටික කාලෙට ඔයා ගොඩාක් කැප කිරීම් කළා.ඒක මං නොදන්නවා නොවෙ යි. ඔයා ඉස්සර එවන ආදරය උතුරා යන කෙටි පණිවුඩයක් මාව කල්පයක් ජීවත් කරවන්න පුළුවන්. මගෙ වස්තුවට මතකද ඉස්සර අපි පුංචි පුංචි රංඩු ඇති කරගෙන තරහ වෙලා පස්සේ ගොඩාක් ළං වෙනවා ? ඔයාට ඒවා අමතක ද රත්තරං ? ඔයා මගෙත් එක්ක ඉන්නකන් මේ කිසිම කෙනෙකුට අපිව වෙන් කරන්න බැහැ.මගේ හදවතේ ඔයාට තියෙන තැන වෙන කාටවත් ගන්න බැහැ.ඒක මෙහෙම වචනවලින් ප්‍රකාශ කරන්න තරම් මං භාෂාව ප්‍රගුණ කරල නැහැ."මම ඔයාට ආදරෙ යි" කියන වචන තුනකට ඒක ලඝු කරන්න බැහැ.මං මේ ගෙවන වියළි ජීවිතයට ඔයාගේ ආදරේ මට පැන් පොදක් වගේ.මේ පිපාසය නිවන්න පුළුවන් ඔයාට විතර ම යි.
මං ඔයාට ආදරය කරන්න පටන් ගත්තේ ඔයාව දැක්ක මුල් ම දවසෙ ඉඳලා.මට ඔයා ගැන ආදරයක් ඇතිවුනේ ඇයි කියන්න අදටත් මං හරියට ම දන්නේ නෑ.ඔයා බිම බලාගෙන ඇවිදින හැටි,හොරෙන් හොරෙන් මං දිහා බලලා බිම බලාගන්න හැටි මාව තව තවත් ඔයාට ආදරය කරන්න උත්තේජනය කරනවා.මගේ ජීවිතේට ගැහැණු ළමයි ගොඩාක් ළං වෙන්න උත්සහ කරල තියෙනවා.ඒත් ඒ එක්කෙනෙක්ගේ ළඟ දි වත් මට දැණුන් නැති ලෙංගතුකමක් මට ඔයා දකිද්දී දැනෙනවා.ඔයාගෙ ඉස්සරහ මේ තරම් ම හැඟුම්බර වෙන්නේ මේ මම ම ද කියල වෙලාවකට මට හිතෙනවා.ඒ තරමට ම ඔයා මාව දමනය කරලා.